Mehsoos

dil ke daryaa meiN utar ke dekho
tum muHabbat mujh se kar ke dekho
phir tumheiN meri talab ho shaayad
tum kabhi mujh se bichaR ke dekho
ishq ka saaghar bohat hai gehraa
Doob kar khud bhi ubhar ke dekho
dunya phir lagne lagegi dilkash
isko tum meri nazar se dekho
pyaar kehte hain kise,
zaraa tum meri baahon mein bikhar ke dekho
mera gham mehsoos karna ho
to meri raahoN se guzar ke dekho
kya asar hota hai berukhii ka?
meri chaahat se mukar ke dekho
jo mohabbat ne hai dekha,
tum bhii uski aaNkhoN meiN saNwar ke dekho