Alvida

Boht taklieef deta hai kisi ko alwida kehna
Laraztey kamptey,nazuk sey lamhon main
Dikhayi kuch nahin deta
Sujhayei kuch nahin deta
Faqat kuch kapkapatey lafz
Honton per thehr jatey hain
Ubharti,dhubti dharkan usey awaz deti hai
Koi apna,key jis ka naam apney dil per likha ho
Key jis ki muskarahat hi badan main roshni bhar dey
Key jis key wastey har pal dua'en hi niaklti hun
Boht taklif deta hai usi ko alwida kehna
Jisey dil main basaya ho
Barhey maan sey apna banaya ho
Boht taklif deta hai
Kisi apney,
Kisi sapney,
Kisi manzil,
Kisi rastey,
Kisi khawahish,
Hamari zindagi key khawab ko
Yun ALWIDA kehna
Boht taklif deta hai...