Maana Wadi-E-Ishq Main Paaon Aandha Rakhna Parta Hai
Laikin Ghar Ko Jaanay Wala Raasta Rakhna Parta Hai
Tanhai Woh Zehar Bujhay Talwaar Hai Kis Ki Dehshat Say
Baaz Auqaat Tu Dushman Ko Bhi Zinda Rakhna Parta Hai
Jibar Ki Jitni Oonchi Chaahao Tum Deewaar Utha Lena
Laikin Us Deewaar Main Ek Darwaza Rakhna Parta Hai
Hijar Ka Dariya Aan Para Hai Beech Tu Koi Baat Nahin
Ishq Main Saathi Thora Sa Tu Hoonsla Rakhna Parta Hai
Bay Khabri Ki Shaamain Hoon Tu Phir Anjaan Musafir Ko
Sehra Main Bhi Simtoon Ka Andaaza Rakhna Parta Hai...
Subscribe to:
Post Comments (Atom)
No comments:
Post a Comment