CHALAY JAO

Kisi Rut Ka Koi Dukh Ho
Koi Sukh Ho
Humein Mehsoos Hota Hay
Yehi"Ehsas"Honay Ki Alamat Hay
Hamari Zindagani Ki Alamat Hay
Tumhein Hairan Honey Ki Zaroorat Kya?
Chalay Jao...

Tumhey Kya Wasta Iss Se
k Hum Tanhayion Mein Kis Tarah Reh Kar
Guzar Aukat Kartay Hain
Tumhey Ho Kiun Gharaz Iss Se
k Jeetay Hain k Martey Hain
Chalay Jao...

Hamarey Zakhm Bharney k Nahi Hain In Dilason Se
Koi Dekhey To Kiun Dekheyk Kaisy Sabr Aata Hay
Humein Tareek Raaton Mein
Koi Dekhey To Kiun Dekhey
k Kaisy Mehv Rehtay Hain
Hum Apney Sath Baaton Mein
Chalay Jao...

Humein Mehsoos Karney Do
Hamary Zakhm Bharney Do
Mery Humzaad Aao To...
Bhuja Do Roshniyan Saari
Ghubaar Iss Dil Ka Nikley Ga
Bohat Tareek Kamrey Mein
Mujhay Ab Hichkiyaan Letay
Koi b Dekh Paye Kiun
Mery Anjaam Pe Aakhir"Vo Chehra" Muskurayee Kiun
Chalay Jao...

Humein To Iss Samey Ghar k
Dar-o-Deewar b Achay Nahi Lagtay
Chalay Jao...
Chalay Jao...