Aye Mohabbat...!
Teri Kismat K Tujhay Muft Milay
Hum Say Dana Jo Kamalat Kia Kartay Thay
Khushk Matti Ko Bhi Aamaarat Kia Kartay Thay
Aye Mohabbat...!
Yeh Tera Bakht K Bin Mool Milay
Hum Say Anmool Jo Heeroon Main Tula Kartay Thay
Hum Say Moo Zoor Jo Bhoonchaal Utha Kartay Thay
Aye Mohabbat Meri...!
Hum Terey Mujrim Tehray
Hum Jo Logoon Say Sawalaat Kia Kartay Thay
Hum Jo Soo Baat Ki Ek Baat Kia Kartay Thay
Teri Tehveel Main Aanay Say Zarra Pehlay
Hum Bhi Is Shehar Main Izzat Say Raha Kartay Thay
Hum Bighartay Tu Kaiey Kaam Bana Kartay Thay
Aur Ab Teri Sakhawat K Ghanay Saaye Main
Khalqat-E-Shehar Ko Hum Zinda Tamaasha Tehray
Jitnay Ilzaam Thay,
Maqsoom Humara Tehray
Aye Mohabbat...!
Zarra Aandaaz Badal Lay Apna
Tujh Ko Aainda Bhi Aashaaq Ka Khoon Peena Hai
Hum Tu Mar Jaayein Gayein Tujh Ko Magar Jeena Hai
Subscribe to:
Post Comments (Atom)
No comments:
Post a Comment