Apnay Humrah Mohabbat K Hawalay Rakhna
Kitna Dushwar Hai Ek Rog Ko Pallay Rakhna
Itna Aasaan Nahin Band Gali Main Rehna
Shehar-E-Tareek Main Yadon K Ujalay Rakhna
Hum Ziada K Talab Gar Nahin Hain Laikin
Waqt Kuch Bahr-E-Mulaqat Nikalay Rakhna
Kam Aain Gay Kisi Roz Tumharay Yeh Gohar
Apnay Aashkon Ko Meri Jaan Sambhalay Rakhna
Jheel Par Jaisey Koi Kali Ghatta Cha Jaye
Neeli Aankhon Pay Ghani Palkhon Ko Dalay Rakhna
Us Ko Ujray Howay Logon Say Hai Ulfat Mohsin
Baal Bikhray Howay, Aur Paon Main Chalay Rakhna
Subscribe to:
Post Comments (Atom)
No comments:
Post a Comment