To Acha Hai

Tumeh jana ijazat hai
K in tareek rahon per
Thakan si khud mein pao to
Andheron se kabhi dil dol jai
Thak si jao to
Mre jalte hoi lamhon
Mre kangaal haathon se chura k apne haathon ko
Fiza ki naghmagi se tum nai geeton ko chun lena
Haseen palkon ki nokon per nai kuch khuwab bun lena
Koi gar pooch le mra to is se zikr mat karna
Mre jeewan ki jalti dupeher se be-gharaz hokar
Tum apni chandni raton mein jugno paalti rehna
Mri tanhaayon ki, wehshaton ki fikar mat karna
Tumeh is ki ijazat he
Mre sab khat jala dena
Mre tohfon ko darya mein bahana ya daba dena
Mri har yaad ko dil se khurchna or mita dena
Tumeh bilkul ijazat he
K jab chaho bhula dena
Magar itni guzarish he
Agar aisa na ho jana
To acha hai………