Mujhe Beqrar Rehne De

Logon ne mere gum ka tamasha bana diya,

Mere chaman k saath mera dil bhi jala diya!

Apno ne mere pyaar ka kuch yun sila diya,

Ulfat badley khoon k ansu rula diya



Yunhi faslon ko sajae rakh,

yunhi intezar rehne de

~Mere zehn-o-dil k sukoon par,

Mera ikhtyar rehne de



~Teri chahton me jo dard he,

ye sab khushi se qabul he

~Meri chashm-e-nam ka guman na kar,

Mujhe ashk baar rehne de

~Teri bebasi baja sahi,

Meri khush fehmi bi ghalat nahi

~Tujhe har qadam pe khushi mile,

Mujhe sogwar rehne de

~Meri guftgu me jo dard he,

wohi dard Mera nasib he

~Me bhula chuke hun qarar ko,

Mujhe beqrar rehne de.