Aa umer-e-ravaan
Aa paas mere
Ik raaz ki baat batani ha
Ik khowab sunana ha tujh ko
Ik dard ki tees si dil main ha
Ik rang dikhana ha tujh ko
Aa umer-e-ravaan
Aa pass mere
Yah neem shabi ki khamoshi
Yah neend ki palkain bojhal si
Ik khuff sa zahan-o-dil par ha
tanhai meri chupke se kahe
Aa umer-e-ravaan
Aa pass mere
Tujh se faqat kahna ha mujhe
Raftaar ko apni dheema rakh
Ik shaks se milna ha mujh ko
Milne ki ghari jo thahri ha
Do char saddi ya ab k baras
Aa umer-e-ravaan
Aa pass mere.
Subscribe to:
Post Comments (Atom)
No comments:
Post a Comment