Tanhai

Dheeray Dheeray Khamoshi Say
Raat K Bheegay Aangan Main

Tapak Rahi Hai Aankh Say Shabnam
Jaanay Kis Ki Yaad Liey
Chaand Bhi Tanha
Main Bhi Tanha
Jaagh Rahay Hain Hum Dono
Koun Chura K Neend Humari
Hum Ko Tanha Choor Gaya

Dekh K Apna Apna Chehra
Jheel K Thehray Paani Main
Dhoondh Rahay Hain Khud Ko Shayad
Maazi K Veraanoon Main
Raat Ki Sardi Main Kis Ki
Saanson Ki Garmi Phail Gaye
Yaad K Jaltay Aangaroon Main
Phir Hasraat Nay Aah Bhari
Jaaghti Aankhain Dekh Rahin Hain
Khaab Jo Puray Ho Na Sakay
Tu Bhi Soo Jaa Chaand Akailay
Mujh Ko Bhi Soo Jaanay Day